Les deux finmes elles z’ouvrirtent eul huche
saisies par eul sintimint d’sûr,
el pourre, les arnitoiles, les brins :
In n’avot pas monté in haut d’pus longtins,
Ch’étot partout un vrai déluche.
Et elles dallèrent au miyeu des arliques
des meubes in morciaux, des brols
In veyot bé qu’tout ‘tot à met’ à luch
Et ch’est chuss’ qu’in allot faire
In s’arallant, Anne Potchié s’rétoqua
à eune séquoi brousée, et cha rambuqua drôle
Ch’étot introuvert par el cru
Curieusse com’eune maguette
el fonctchionnaire élargit el tro avec es’ torke
El leumière del lampe fit vir les ossiaux des cuiches, des gampes, d’l’épaule,
eune vielle tiête d’esquelette ;
« Infin, cria Josseline Martin, « em’n’homme cachot après d’pus vint ans ! »