Lés vièrs à soie is lusottent dins l’mûrier
is n’chiqu’tent pos cés blanques et mollés meumeurtes
toutes pleines ed’chuque et blanques et crasses
Lés vièrs à soie tout longivas et tout doudouches

is chiqu’tent lés fouèles et minch’tent et pluqu’tent
cha lés indort mais padzeur leus épaules
fait à fait y-a comme ène épeule
in fi d’béfion qu’i s’fait et is s’intronk’tent

In débabénant on saque in fi d’soie
qui f’ra pou ène fin belle finme ène fin belle rope
fell’mint bin portée

Quand l’finme i défunke on intierre el’soie
avé l’madame ed’dins et su s’lusieau, l’jour du Toussaint
on plante in mûrier pou lés vièrs lusoter