I s’cleine i voudrot ben agrouiller s’mallette
qu’voulot li arsaquer eun’ séquesse d’agrippeux
i s’clène à ch’momint là estomaqué tout biête
i n’fait jusse qué trover eun’ bougette d’fayots vieus

In vos fait dév’nir eun’ sale merquandisse
qu’elle a quer d’berluser l’paufe nin-Parigot
del mort in vos instique eun’sal’ bastardisse
el mite elle a pluqu’té loques oches et pis ridiaux

Pa’d’vant l’berdoule de l‘ville in artrousse es’cotte
l’couillon prind alibi de s’pauf’ tiête blageotte
quand i vot de l’berdoule i cache après l’puriau

Pou finir in argrette ches campestres bicoques
in mettot unimint les pus crapées de nos loques
n’dur’pas pus qu’un matin d’vair ou d’or l’escuciau

À la manière d’Alexandre Desrousseaux (Lille,1820-1892), l’auteur du P’tit Quinquin, et de Jules Mousseron (Denain, 1868-1943), le créateur de Cafougnette.