Ches vers eud’so cancannent dins ch’buisson à mûres,
Ti com’mi, tu bouffros ch’mûres molasses, pour chur !
Avec eud’dins grimmint d’chuc, mais point pour ch’bistoule
Euz’autes, ches feignants, i sont un peu maboules :

En faisant des grands schleurps, i chiquent ch’feuillache
Pi, i s’mettent à pioncer : i sont fins benaches !
Et cha guile eud’leur bouqu’, jusqu’au d’sus de l’kiette :
Avec euch’n’abris, i n’ont point peur de ch’biette.

Pour ches jolies greluches qui s’dandinent du train,
Avec ch’te bavasse, on fabrique de bielles fouffes
Et elles se pavannent dins toutes ches bars eud’nuit

Et chi à ch’ t’heure, eune ell’ passe eul’ goût du pain
Avec euch’ n’habillement, dins l’trou, bardouf !
Là, mes achticots, i cantent à l’infini.